नोएल शाळेमध्ये दिनांक 18 डिसेंबर 2019 रोजी मधुबन प्रकाशन आणि नोएल स्कूल यांच्या संयुक्त विद्यमानाने मराठी भाषा कार्यशाळेचे आयोजन केले गेले. कार्यशाळेसाठी प्रशिक्षक म्हणून श्रीमती असावरी हंचाटे मॅडम लाभल्या होत्या. सद्यपरिस्थितीत इंग्रजी माध्यमांच्या विद्यार्थ्यांमध्ये मराठी भाषेविषयीची अनास्था संपवून त्यांच्यामध्ये रुची कशी निर्माण करता येईल ह्या विषयावर कार्यशाळा झाली. भाषा शिकविताना येणाऱ्या अडचणी म्हणजे उच्चार, काना, मात्रा, रस्व, दीर्घ यांच्या चुका विद्यार्थी कसे टाळू शकतील आणि चारही कौशल्याचे आयोजन कसे करावे, तसेच स्वाध्याय साठी रोजच्या व्यवहारातील विषय घेऊन त्यांची भाषेविषयी रुची वृद्धिंगत करावी असे आव्हान त्यांनी केले. कार्यशाळेला अकोल्यातील आणि अकोला जिल्ह्यातील शाळेतील मराठी शिक्षकांनी या कार्यशाळेत सहभागी होऊन उत्तम प्रतिसाद दिला.